亭子间长脚（二）
沪语朗读：周恋云
亭子间长脚（二）
來源：書友會
作者：程介民
沪语改写：丁迪蒙
诵读：周恋云
小芳个厂长老公长期勒外地，一年多没回来搭妻子同过房，妻子突然之间怀孕生育了，勿用掩饰、也勿用解释，一定勿是伊个种。
小芳主动搭厂长离婚了，勒外头租房子暂时住下来。长脚呢，两头兼顾，阿琴倒也呒没怨言，只勒肚皮里向做功夫。其实阿，阿琴啥地方是贤惠淑德，伊是恨勿得拿伊拉身浪向个肉咬下来再解恨，只不过是装作糊涂，心里邪气明白个。
长脚勒厂里向是关键个技术岗位浪个关键技术人员，正是如日中天。假使伊容勿下小芳，葛末长脚必定搭伊离婚，到辰光，伊会得失去所有，反而是成全了伊拉两家头，伊勿好搿能做个，只好是忍气吞生。
一场史无前例个运动来了，长脚搿能介个迂腐书生，宣扬没落个封资修伊个一套，毫无意外个成为了黑五类。小琴觉着长脚已经是呒没前途了，决定提高觉悟、划清界限，检举揭发长脚乱搞男女关系、道德败坏，更是无中生有个造出长脚偷听敌台个致命谣言，因为长脚有一只矿石收音机，经常勒半夜里向调试频道。长脚立时三刻成为了特务、反革命、阶级敌人，陷入了万复勿劫个深渊。长脚想，任何事体侪是有代价个，搿也可能是自家应该付出个代价，觉着万念俱灰，温尔文雅、知书达理个长脚也是邪气懦弱个，吃了敌敌畏，一了百了了，却是苦了小芳搭仔伊个小囡。
阿琴成了大义灭亲个典型，拨邱主任叫得去做报告谈经验。阿琴呢，却是上勿了台面个，扭扭捏捏上台、结结巴巴讲勿好一句闲话，会场效果极差。回去叫隔壁头个秦家个教书先生写了份稿子，对牢镜子摆姿势练，邱主任却是勿再叫伊作报告了。阿琴无职无业，侪靠长脚辛勤工作养活个。长脚虽然是一介书生、性格懦弱，但也是屋里向个顶梁柱，阿琴没想到伊会得搿能个刚烈，顶梁柱倒脱了反而是苦了自家。想到罪魁祸首是阿妹，转而寻机会败坏阿妹、拿伊搭长脚生个囡儿看成肉中刺、眼中钉。阿妹却是一直忍耐勒海。母亲是邪气欢喜搿个女婿个，长脚个死就好像是天崩地裂、顶塌屋倾，寒冬腊月里落到了冰窟窿了，没多少辰光就一命呜呼了。
临死个辰光，搭小芳讲了埋勒心里向廿年个秘密，原来伊搭阿姐勿是一母所生，姐姐是当年母亲领养个孤儿，当初姊妹易嫁个闹剧是阿姐一手导演个。
母亲深深个埋勒心里个秘密，其实囡儿老早就晓得了，是伊生了长脚个囡儿以后，铁外婆讲拨伊听个，伊反而更加觉着亏欠阿姐。然而，勒一趟吃了阿姐做个百合汤以后上吐下泻，差点送命，再晓得阿姐毒辣，自家感觉到搿能下去勿但是自家个性命勿保，恐怕连得儿子囡儿个小命侪要保勿牢，快点带勒厂长个儿子搭长脚个囡儿搬场，从此以后搭阿姐恩断义绝、勿再往来。
真所谓好人有好报，伊支内个厂长老公无私个接纳了伊，婆婆也毫无怨言抚养起长脚个囡儿，一家人家倒也其乐融融。
倒是老公自杀、阿妹离去伊以后，姐姐一个人独居亭子间，过得并勿舒坦。俗语讲，寡妇门前是非多，小琴也自甘堕落，搭弄堂里向大大小小个行为勿端个男人公开打情骂俏。后来又发展到拿一个有妇之夫个小男人招到屋里向来姘居。弄堂里向个小囡一到夜里侪悄悄叫，勿约而同、心知肚明个跑到8号亭子间去，去趴勒门缝看长脚老婆个西洋镜。小男人吃足吃饱，白相腻脱了就走了，勿知去向。
后来，阿琴成为了花痴，常庄裙子里向啥也勿着招摇过市，一帮小囡追勒海叫，要伊抬起大腿来看看西洋镜，伊竟然勒马路浪撸起裙摆、秀伊个大腿，跟勒后头个小鬼头嘻嘻哈哈，兴奋得尖叫，哄笑以后散开来，而勿入调个男人却是哄笑聚拢过来，伊就一路跟搭去。
往期回顾：
图片来自网络