“笔头”还是“鼻头”
沪语朗读：潘慧芳
“笔头”还是“鼻头”
作者：丁迪蒙
勒聊搿只话题之前，阿拉先来看搿几个词语里个字音：“鼻头”、“笔头”，“北面”、“单薄”，“滴水”、“笛子”。
侬感觉得出伊拉搭普通闲话读音有啥勿同伐？搿些字勒上海闲话里发音是否邪气短促？搿种短促个音叫做入声。
勒古代，汉语个四只声调搭现在个普通话勿同，老底子还有入声个。北方地区语音变化大，入声勒北方方言里已经完全消失了。伊拉到啥地方去了呢？阿拉来看。
“哭、出、突”，普通话侪是第一声；“国、革、独”，普通话侪是第二声；“谷、笃、百”，普通话侪是第三声；“玉、绿、鹿”，普通话侪是第四声。但搿些音只要用上海闲话去读，发音就侪是短促个，搿些字就是原来个入声音个。伊拉仍旧保存勒粤方言、闽方言，还有阿拉吴方言里。上海闲话是吴方言个代表方言。
因此讲，方言是活化石，通过方言阿拉可以了解到古代个发音情况。上海闲话里保留了两只入声：阴入搭仔阳入。上头讲个“笔、鼻”，“北、薄”，“滴、笛”搿三组音，前者声母是清辅音，属于阴入，后者声母是浊辅音，属于阳入声。
声调勿同，意思也就完全勿一样了。假使讲“伊笔头好”，是讲搿个人文章写得好；而假使讲“伊鼻头好”，是迭个人个鼻头特别好。音听上去差勿多，意思却是大勿同了伐？
朗读者
往期回顾：
图：网络 / 编辑：渺渺
赞 (0)