上海虹口人和上海杨浦人打牌杨：三星路、三...

上海虹口人和上海杨浦人打牌

杨：三星路、三门路，一对三。
虹：四川路、四平路，一对四。
杨：侬撒意思啦？！四平路，吾阿有份额好哇！
虹：搿侬就呒懂了！四平路精华勒盖阿拉虹口！
杨：侬哈三污四点撒？！同济是勒盖阿拉杨浦四平路高头。精华？精华侬则头要么！
虹：好好好，算吾输。吾牌挠回去。侬继续出牌。
杨：撒叫算侬输？！看侬惨古，放侬一记马头！侬出牌！

虹：三角地
杨：八埭头
虹：侬八大埭头么了好哇！
杨：侬三角地唉勒盖啊？！阿拉模子，出一则五角场，哪能？五角场现在呒要太闹猛！
虹：唉。。。。。。搿趟侬有道理，继续出牌。

杨：复旦、同济、财大、上理、水产、雷力
虹：侬狠额呀，晓得吾就有一则上外，就戳吾心经。算侬上海第一教育模子，侬出牌。

杨：杨浦公园、江浦公园。
虹：嘿嘿嘿，看看搿趟侬哪能赢吾！虹口公园、和平公园。
杨：则短命额和平公园勒盖大连路西面、纳虹口地界。就差了几十米，吾气啊气！侬赢了，出牌。

虹：虹口足球场一则。
杨：江湾体育场一则。
虹：旁友帮帮忙好哇！搿张牌挠回去！江湾体育场呒好跟阿拉虹口足球场搭脉额！
杨：侬晓得撒？江湾体育场才是上海足球队老根据地。
虹：现在呢？江湾体育场有比赛哇啦？！阿拉虹口足球场现在是申花队主场！
杨：搿趟吾认输，阿拉输得起。侬出牌。

虹：龙之梦、月亮湾
杨：合生汇、万达广场、百联又一村、苏宁广场、百联优诺、滨江百联、奥特莱斯。随便挆两张，灭特侬！
虹：侬结棍！出牌！

杨：东外滩。
虹：北外滩。
杨：明显阿拉东外滩嗲，杨浦滨江呒要太灵！
虹：呗吾记面子好哇！北外滩是吾王牌，上海滩侪晓得额，吾搿张牌输呒起额！
杨：侬根嘎港了，阿拉上路额，拎得清。算侬赢，继续出牌。

虹：南湖职校一则。
杨：杨浦职校一则。杨职额地位，侬阿是混古额，懂额！
虹：杨职，吾买张额！侬出牌！

杨：定海桥449弄！
虹：虹镇老街！
杨：侬当吾戆喽？！虹镇拆光了好哇，变瑞虹新城了！阿拉定海桥唉么拆！
虹：虹镇就算拆特啦，名声阿比纳定海桥响！
杨：闸北阿飞、虹口流氓，通通呒如杨浦额工人阶级拳头昂！搿句闲话晓得哇？
虹：别苗头，寻吼斯喽？跟侬港，吾就是老早额虹镇小癞痢，拎得清眼！
杨：哈哈，吾过去是跟小周勒盖定海桥混额，卫得哈侬额？！
虹：哎呦，同道中人嘛！棋牌室外头，切根牡丹盘盘！
杨：么得问题！切吾额中华，呒要忘记特长阳路高头则厂子是勒盖阿拉杨浦额！#上海头条# #上海# #我要上微头条#