绞连棒、盐金枣、敲扁橄榄……这篇上海闲话真让人馋痨！
▽ 点击切换你的快乐
绞连棒、盐金枣、敲扁橄榄、掼奶油......
老上海人辣海空个辰光会得吃点啥零食解解厌气？
下头是小布整理个老上海小零食，
大家快来看看伐！
绞连棒
咬一口刮辣松脆。
七十年代个辰光，搿还算高档物事。
香香脆脆，招待人客顶好个！
盐金枣
加盐、甘草等做成个小颗粒零食。
小小个一粒盐金枣，
味道倒蛮浓。
吃起来酸酸咸咸，含辣海嘴巴里啊，
会得有甘草个甜味道。
七十年代初个辰光，
交关烟纸店里侪有卖盐金枣。
搿辰光个盐金枣侪是散装个，
2、3分铜钿一包。
到八十年代个辰光，
交关盐金枣侪用塑料罐头装咧。
敲扁橄榄
一种蜜饯。
拿青橄榄汏清爽，用刀背一敲，
尖尖头个地方就迸开来唻咧，
腌橄榄个辰光味道会得进去，
吃起来还便当。
交关上海人买来个敲扁橄榄
侪是敲好、腌好个。
吃剩个橄榄
（whak）头，
小朋友侪会收起来，白相“顶橄榄
”个游戏。
掼奶油
一种稀个奶油。
吃起来蛮甜个，腻倒是勿腻，老适意个。
搨辣蛋糕上头，做成“奶油小方”，瞎嗲。
一杯咖啡，一块小方，茄茄山河，写意一个下半天。
老虎脚爪
一种甜个烘饼，
正面做成像老虎个脚爪。
外头脆，里向软咚咚个，没心子个。
辣海五、六十年代个辰光，
吃个物事少，搿算作一只填肚皮个点心。
蟹壳黄
里向有酥油、外头有芝麻个小烘饼。
样子做得像蟹壳，所以叫蟹壳黄。
蟹壳黄有咸、甜两只馅子。
像葱油、鲜肉、蟹粉啊，
白糖、豆沙、黑洋沙啊！
味道鲜，吃起来老扎劲个。
别司忌
甜、硬而脆个切片面包。
是英文biscuit的音译。
面包个边边头顶灵！
烘个又香又脆，上头还会得撒点糖。
拿
油墩子
一种面粉做个物事，用椭圆形模子做成，
里向有萝卜丝等馅子，
黄个
老底子学堂门口个小摊头上就有买个。
夜快头4、5点钟一放学，
学生子就会拿了零碎铜钿
去买一只填填肚皮。
萝卜丝里向夹了葱花的味道，
吃进去，全身热烘烘、香喷喷个。
炒米花
爆出来的米花。
老底子，辣海弄堂口经常看到，
一搿老头左手拉风箱，右手摇机器。
脱
机器里就发出米花的香味道。
搿辰光大家就晓得有口福了，
拿起锅子，罐头就去装。
小测验来啦！
01
“奶油小方”上的奶油，上海人叫它什么？
掼奶油
鲜奶油
淡奶油
奶油酱
02
头塔是指身体的哪个部位？
头顶
头顶及头顶周围部位
额头
头发
03
一塌刮子什么意思
一把瓜子
总共
刮你鼻子
乱七八糟
04
“粘支疙瘩”用于形容哪种状态？
形容非常热
心事重重的样子
全身起鸡皮疙瘩的样子
身上粘乎乎的样子