上海个月饼（节选）
作者：张新
（节选自上海学习平台）
改写，讲述：刘引烽
上海，历来是受江南文化影响个地域。因此月饼早先应该是苏式居多，以及由苏式衍生出来个宁式、绍式、扬式占优，上海本地也有搭苏式同出一脉个高桥月饼。
随牢来自南方，特别是广东、福建个异乡客 寓居上海个人越来越多，广式、潮式月饼也逐渐走进上海人个餐桌。此外还有京式、闽式等略显小众个品种。从月饼馅料浪讲，五仁、百果、豆沙、枣泥、莲蓉、椰蓉、蛋黄、苔菜、椒盐、冬瓜、金腿等花样百出，让其他糕点有眼黯然失色。
苏式月饼个特点是皮馅兼重，酥爽香甜。主要花色有五仁、百果、玫瑰、夹沙、椒盐、水晶搭仔火腿等。伊个皮子因为酥油层层相间，经高温烘焙后成为油酥薄片，层次分明，色光黄亮，鼓型饱满，酥松而又保持完整。五仁月饼个馅料主要是桃玉（核桃肉）、杏仁、松子仁、瓜玉（黑瓜子肉）搭仔榄仁五种；玫瑰是用玫瑰花、糖青梅搭仔桃玉、瓜玉等为馅料，并各以重油、重糖搭仔面粉揉成。上好个五仁月饼肥而勿腻，玫瑰月饼既香且爽。
广式月饼个特点是皮薄馅足，馅子用料特别讲究。虽然也是重油重糖，但相较于苏式月饼个馅料，则比较统一，别具南国风味。像豆沙、枣泥、莲蓉、椰蓉等基本只用一种主料，即便是百果、金腿、蛋黄等，虽然也有辅料配合，但主次分明，食客可以各取所爱，所以很受欢迎。广式月饼中，莲蓉搭枣泥可算是代表，知名厂家出产个莲蓉月饼，薄薄个皮子当中包裹一团调勒猪油个嫩黄色个莲子酥，一口咬上去真是既肥且清，齿颊生香。而咬开枣泥月饼就可以看到厚重乌黑油亮个枣泥馅子，裹勒拉薄薄个金黄色皮子里，乌金镶仔黄金，甜而勿腻，糯而勿燥。广式月饼当中还有一种特制个大月饼，直径可以超过一尺，淡黄色个皮子浪堆满各种馅料，还拼成“月宫宝盒”“西施醉月”“嫦娥奔月”“三潭映月”等图案，非名家巧手而勿能为，真可以算得上是艺术品了。
此外，宁式个苔菜月饼、扬式个黑芝麻椒盐月饼、潮式个老婆饼也是各具特色。至于如今风靡沪上个鲜肉月饼，从辰光浪看，当属月饼当中个“小弟弟”，大约是从20世纪70年代晚期再出现个。
谈到月饼，就勿得勿讲到上海个伊些月饼名店。勒拉老上海，苏式月饼以泰康、老大房协记、天禄、野荸荠等店家出品为翘楚。广式月饼当中，杏花楼、冠生园、新雅、元利特兹利男居等出品个最是脍炙人口。宁式月饼则以三阳和叶大昌最负盛名，扬式月饼有王仁和，潮式月饼则有源诚。迭些名店出产个月饼，用料侪十分讲究，猪油一定要用常州搭无锡个肥猪白膘，火腿一定是金华或者宣威出产，其他如内蒙古个奶油、广东个叉烧、天津个枣子、湖南个莲心、东北个松子、河北个杏仁、山东个桃玉、广东个榄仁、苏州个蜜饯搭仔玫瑰花、扬州个黑芝麻、宁波个苔菜等等，真可以说得上是携各地个精粹。
往期回顾：
農曆廿四節氣詩詞誦讀 寒露——詠廿四節氣詩 寒露九月節 唐·元稹
图：网络 / 编辑：渺渺