旧上海的书刊出版发行业
沪语朗读：冯蓉
作者：王建运
沪语改写：冯济民
朗读者：冯蓉
要讲旧上海个书刊出版发行业，就勿能勿提成立于1897年个上海商务印书馆，伊个创立标志着中国现代出版业个开始。到二十世纪20年代初，上海勿仅已经成为国内最大个商埠搭国际贸易港口，还是最大个文化中心，伊个显著标志就是书刊出版业集聚，每年出版发行个书籍杂志大约摸有几千种，并且畅销全国。各种书店也多达数百家，其中又以文化艺术类最多，社会科学搭自然科学类则次之。
旧上海个出版商，出于本身追求利润最大化个目的，经营只以出版物是否畅销盈亏为取舍，真正有专门学术价值、科学理论个著作，因常年销售仅有数百册，难以获得出版发行上架个机会。而一些宣扬迷信、诲淫诲盗个书籍，却常常登入大雅之堂，搿就是当时拨文化人搭有识之士痛斥个社会诟病。
抗战胜利以后，国民党政府因为奉行一套与时代背道而驰个政策，造成物价飞涨，民不聊生。上海出版业勒搿能个背景下头亦是举步维艰。据当时记载：出版普通书籍个成本，光纸张及排版费用已占40％以上，再加版税15％、营业税25％，假使再算上书店代销个折扣费，出版商获利已所剩无几，想要赚钞票已极为困难。
即使搿能，旧上海出版商还是有勿少赚钞票个机会。
首先，就是印刷发行每年一度个中小学教科书，仅上海一地就数目可观了，假使再加上全国各地中小学课本，对出版商来说绝对是超级大宗买卖了。为集中资金拿印刷教科书个业务揽下来，各个出版商勿惜结成联盟来竞争。于是当年上海滩浪出版印刷商搭书店，就有了七联、六联、五联、三联个区别。其中闻名至今个三联书店，就是上世纪三四十年代，活跃勒中国出版界著名个“生活书店、读书出版社、新知书店”三家商家联合开设个。搿些印刷商搭书店相互抱团合作，依照国民政府教育部审定个课本，统一编排、制版、印刷、发行。所以伊拉所属个书店发行书籍，从纸头个尺寸到字码个格式，包括售价侪是一式一样个。
其次，上海出版商还有一个稳赚钞票个地方，就是编印加上标点符号个古书或者旧时代小说，搿既勿要付出稿酬，也呒没啥个著作权纠纷，免除了勿少成本。有种出版商勒排版一部旧小说以后，同时打了几副纸型，等书籍推销卖得差勿多之后，再拿搿些备下个纸型卖出，就等于白白捞回了一套排版费。
除此之外，上海出版商勒编印外文书籍个辰光，也有勿少窍门可以赚钞票。伊拉先勒西方各个国家设有眼线，拿国外个畅销书抢先寄回上海来翻印，办法是拿原版书个每一页侪涂好特殊药液，再翻录勒石板浪印出。因为是原拓原版，所以连得排版、校对侪免脱了。只有一点勿同，搭原版书相比，字迹有眼粗糙模糊而已。搿种盗版书售价仅为原版书个三分之一，而且上市速度邪气快，常常是原版书勒国外刚刚上架，国内已经有得相同个盗版书了。由于搿类外文书上市快、价钿又便宜，一眼勒上海个外国人、洋行华人、外轮水手、中外教授及大学生等，常常是购买搿类书个主顾。
旧上海出版商另一个赚钞票个门道，是编印发行连环画小人书。讲是小人书，但勒当时却拥有邪气可观个成人读者，搿侪是因为旧时代文盲多，伊拉勿识字，只好“看图识文”了。搿些连环画从《封神榜》《西游记》《三国演义》，到《血滴子》《七侠五义》等江湖奇侠书，还有种种荒诞勿经个小说咾啥，侪是出版商选中个最佳题材。掰些“小人书”盛行、流传于中小学生、市井贫民之间，成为了当时下层社会百姓个精神食粮。
当时上海书店大多数集中勒“四马路”，也就是福州路、河南路一带，搭勿少专卖旧书个店、还有旧书摊混杂勒一道，因此，搿条马路就有了“文化一条街”之称。另外，勒南京西路一带也有勿少旧书店搭专卖外文书刊杂志个店。当年，中国文化服务社还勒搿搭设点，印有外文书刊目录，专代读者预订国外书刊杂志。
当时勒上海正式登记注册，挂牌营业个出版商搭仔书店有得一百多家，可谓林林总总，邪气壮观，限于篇幅，就勿勒此一一列述了。
往期回顾：
图：网络 / 编辑：渺渺