归来时，仍是少年（上）
沪语朗读：俞颖
归来时，仍是少年（上）
作者：孙思
沪语改写、朗读：俞颖
推荐：丁迪蒙
一只鸟
一只鸟立勒树浪
嘴巴里唱勒马兰花
伊觉得迭能真好
清淡轻盈，比婆娑个树影
还摇曳，还疏影横斜
呒没深沉个苦撘仔痛
像月亮一样，安静个挂勒心里向
世界迭能大
自己又介渺小
可以勒一首歌里
拨自家欢喜个花
唱得芳香四溢
拿一个早浪唱得乳香无比
迭能个幸福
距离爱情是远还是近
一旁个树下头
一到夜里，一位老人
一把二胡，一时如泉水幽咽
一时又婉转到天际
偏偏还留勒细细个一线
扯勒地浪，抽丝一样
牵绊着人心
或许对于一只鸟
呒没所见，呒没所闻，呒没经历
深度，也就有限了
就如同欢喜撘仔爱
就差迭能一寸，仅仅是一寸
就让伊搭老人
活勒两个世界里
一条鱼
勒渭水之滨
躲过了姜子牙，是否想过
只要离开水，能够上岸
愿意臣服，甚至愿意顺应
一条鱼钩
假使能上岸
是否想过，坚决勿学人类
用鱼钩去钓自家曾经个同类
哪怕伊拉也是愿者上钩
伊一定勒想
有人个记忆，只要活勒海
就有记忆
不像自家，记忆只有七秒
哪怕是母亲、父亲，兄弟姐妹
过脱了七秒，就再也勿记得了
还有自家
愿意一生一世相守个爱人
七秒钟以后，便丢失了伊
彼此个眉眼，讲过个闲话
笑，或者是眼泪水，侪勿存在
从此以后，自家个冷暖
除脱仔自家，再也呒没鱼知晓
其实，鱼勿晓得
呒没记忆有辰光未尝勿是幸福
倾其一生个念想，最终还勿是空
阿里像伊
无论有过怎样个切肤之痛
哪能介个爱恨情仇
再见面
仍旧是初见
终其一生，勒水里游走
归来时，仍旧是少年
推上海言话叙身边事体
究吴侬细语吟诗词歌赋
往期回顾：
图片来自网络
赞 (0)