天意
大前年12月初古美社区对各小区群团组织搞了一次以一机一票形式投票评选。事先确定12月25日为投票截止日期。勒拉12月15日基本上我伲“新时代合唱团”搭平吉四村“天鹭”排舞队已经明显比其他团队遥遥领先了。但是两队之间有一个明显嗰差别，就是我伲“新时代”侪是一票一票逐渐递增嗰，而“天鹭”排舞队则是100票、200票刷单嗰。每当我伲领先近百票嗰辰光，“天鹭”总是能瞬间增加100票、200票立马反超。眼看“天鹭”是稳操胜券、必胜无疑了。就勒拉12月24日夜里“新时代”选票仅比“天鹭”多68票，“天鹭”想只要明朝再连刷几百票，笃笃定定绝对能轻松夺冠 。阿里晓得还呒没等“天鹭”再度故伎重演、兴风作浪嗰辰光，古美社区组委会突然宣布：从12月25日0时起手机投票果断终止了。“天鹭”排舞队依仗花铜钿靠网络刷票，盲目乐观，做梦也呒没想到居然“煮熟嗰鸭子居然会得飞走了！”错失夺冠良机。而“新时代”顺势轻松夺取冠军，大家喜极而泣，侪笑逐颜开！明明胜券稳操，能百票、百票快速刷票嗰“天鹭”竟然意外失利了；而始终遵守参赛规则嗰“新时代合唱团”却突然胜出，搿个就叫“人算勿如天算”，“吉人自有天相”纯属天意噢。
实例启示：我勒拉搿次“手机投票战”中，只为“新时代”合唱团投了自家嗰一票，但勒拉为“新时代”加油鼓劲上做了不少嗰宣传鼓动工作。
人是要有一眼精神嗰，两军相争勇者胜。勒拉参与竞争中光全力以赴还勿来讪，必须竭尽全力才可以。勒拉既成事实之前，千万勿能自我设限，能有幸参与竞选本身就是一次千载难逢嗰机遇。一个人到底有几化潜力，事先侪是勿晓得嗰，只要碰到问题，全力去解决问题，其潜力往往就能发挥得淋漓尽致。搿个世界上呒没啥是勿可能嗰，一切侪有可能！“聪明”嗰兔子勒拉睏觉，顽强嗰乌龟务必日夜兼程哦！
往期回顾：
图：网络 / 编辑：渺渺