淮中晚泊犊头
沪语朗读：俞颖
朗读者
淮中晚泊犊头
苏舜钦
原作：网络
改编：丁迪蒙
朗读：俞颖
春阴垂野草青青，时有幽花一树明。
晚泊孤舟古祠下，满川风雨看潮生。
译文：
春天介个阴云垂落勒旷野，田野里向到处侪是碧绿生青个草。偶尔可以看见有得幽香个花勒勒一棵树浪向开放，开得邪气个明亮、美丽。
夜快头，乘一叶孤舟，拿伊停靠勒古旧个祠堂下头，勒满河浜个烟雨当中，呆呆叫个看牢仔伊眼逐渐满起来个潮水。
赏析：
北宋诗人苏舜钦所写个七绝。第一、第二句写勒春天介碧绿生清个草丛上头，时勿时可以看见独立个一棵棵花树，伊看上去邪气耀眼、但又是幽静个，富有象征意义；第三、第四句写个是停船勒古代祠堂边，勒满川个风雨当中独自观察涨潮，迭个即景描写，寄寓了诗人对官场个风雨勿定、阴晴难测个状况，镇定自若、处之夷然个心态，但勒平和心境个暗示当中，又显露出了内心深处个愤激搭仔勿平。全首诗色彩个明暗、景物个动静对照邪气强烈，抒情个气氛又是极其浓郁，感情借牢仔景物来讲，更让人觉着含蕴悠远。
点以下文字即可听到精彩回放：
图片来自摄友笨笨
赞 (0)