在歌声中养生 / 开普饭

沪语朗读：柳钟晔

朗读者

在歌声中养生

来源：解放军第八十八医院体检中心

改编：郭莉

朗读：柳钟晔

推荐：丁迪蒙

朋友，侬欢喜唱歌伐？侬晓得唱歌有种种好处个伐？今朝，阿拉就来讲一讲唱歌个优点。

首先，唱歌是有节奏个体内按摩。

唱歌会得冲开人体个横膈膜，搿就好像是做了次人体内部个循环按摩,是任何一项运动侪代替勿了个。唱歌搭仔练声，侪能够扩大肺活量,增加肺泡个通气量,提高呼吸功能。

唱歌搭讲言话勿一样,唱歌个辰光，需要一定个力量，特别是胸部个力量,胸部力量加强了,肺活量就会得加大。成年人个肺活量一般是3500毫升左右,但是歌唱家个肺活量要4000毫升左右。肺活量一大,呼吸功能就能够提高。所以讲，唱歌是一种提高呼吸功能个好办法，可以锻炼人个心肺功能，伊个作用勿比练气功推板。

第二，唱歌是特殊个心理治疗。唱歌可以改变侬个心境搭仔侬个精神面貌。好歌唱勿停,唱出好心情。纵情欢歌,可以放松身心。勒嘞唱一只歌个辰光,人当然是认真、紧张个,但是当侬唱完一只歌,侬马上就会放松下来,搿能一紧一松，就可以刺激侬个自律神经, 本来因为压力而变得紊乱个神经就会得轻松，唱歌可以释放一种帮助侬静下心来个荷尔蒙激素，乃末舒解身心。一门心思个认真演唱，会得活动侬交关平常辰光蛮少活动到个面部组织,搿能就可以帮助侬抗衰老,维护皮肤弹性,还可以改善侬更年期个勿适意感觉。歌唱让侬身心愉悦，焕发青春了，所以侬要拿歌唱当成侬生活中最愉快最舒心个事体来做。

第三，唱歌是一种全身运动。

唱歌是一种全身运动,伊既可以锻炼全身肌肉,又可以健脑。要想拿歌唱得好,就要动员全身各个部位一道用力。

经常放声唱可以调气、运气、养气。唱歌个辰光就激发、调节了身体个各种功能,会得让侬胸部、腹部个运动协调，有利于气血个运行。

中老年人常庄去练练歌，可以激发对自家生活个信心，也激发对各种事体个兴趣。身心舒畅了末，当然也就是保健、养生了呀！

假使唱个歌曲音偏低,可以让血压安定；唱快节奏个歌曲呢，又可以让人开心；假使搿只歌音拉得蛮长，搿就正好可以消除压力,放松精神。

从生理学个角度来讲,唱歌除了可以让人个身体所有个放松机制侪处于最个佳个工作状态，还可以锻炼所有个肌肉。用勿着自家去刻意个想，要锻炼啥个地方,一切侪是自然而然做到个。所以讲，唱歌是一种真正快乐个健身操。

第四，唱歌可以陶冶情操、健康长寿。

音乐为生活增添了色彩，歌曲能为阿拉带来美个享受，唱歌是语言搭音乐结合，来表达思想感情个一种艺术形式，伊可以提高文化艺术素质修养，让人感情丰富，心绪平和。

学唱国内外优秀歌曲，对人个思想道德修养，性格情操熏陶，侪会得有积极个作用。唱歌也会让侬增长见闻，开拓眼界。勒唱个过程中，抒发自家个情怀，增加搭亲朋好友个沟通。

美妙个音乐，美好个歌曲，还可以净化人个心灵，启迪人个心智。让生活更加丰富多彩，来培养快乐向上个生活情趣。

对于50岁以上个朋友来讲，假使练习合唱，还可以锻炼记忆力搭仔听力，可以帮侬扩大社会交往，收获邪气多个友谊。搭欢喜唱歌、志趣相投个歌友一道练习唱歌，既可以感受合唱艺术个无穷魅力，又可以收获快乐搭仔友谊，唱出健康搭仔长寿！

朋友，走伐！阿拉一道唱歌去！