旧上海个“小菜场”也闹猛（下）
沪语讲述：渺渺
作者：王建运
沪语改写：边秦翌
推荐：丁迪蒙
旧上海个辰光，陕西北路叫做西摩路，所以上海老居民侪拿伊条路浪个菜场叫做西摩路小菜场。伊曾经是上海规模比较大、品牌比较响个小菜场之一。勒南市老城厢一带还有勿少马路菜场，譬如老西门外个唐家湾菜场、大东门外个紫霞路菜场咾啥，其中紫霞路菜场是上海历史最长、规模最大个马路菜场，东起花衣街，西至篾竹街，全长大约摸有得500多米。因为此地个菜价钿便宜，每日天吸引勿少靠工薪过日脚个普通市民，所以此地搭外郎桥街相交个十字路口，是当时辰光邪气闹忙个地方。
上世纪40年代，旧上海菜市场已经基本布局完备，其中由政府出资管理个占大多数，盖民以食为天，民生大计勿可小觑也。搿些菜场个场址搭仔规模，一直到上海解放后、乃至上个世纪70年代未改革开放之前，基本浪保留原状。此地特为拿旧上海主要菜场个名单，按照区域位置拉出来，让大家看看叫：
东区：平凉路菜场，位于平凉路480号。松潘路菜场，位于松潘路10号。梧州路菜场，位于梧州路290号。舟山路菜场，位于舟山路153号。通州路菜场，位于通州路35号。辽阳路菜场，位于辽阳路220号。
南区：八仙桥菜场，位于金陵路永善街口。菜市路菜场，位于盛昌路西门路口。大兴街菜场，位于陆家浜路口。唐家湾菜场，位于西藏南路济南路口。小普渡路菜场，位于小普渡路天主堂街口。
西区：山海关路菜场，位于山海关路218号。西摩路菜场，位于陕西北路260号。小沙渡路菜场，位于小沙渡路1120号。大成菜场（私立），位于蒋家桥路577弄50号。康定菜场（私立），位于康定路583号。
北区：虹口菜场，位于塘沽路250号。溧阳路菜场，位于溧阳路960号。伯顿路菜场，位于彭泽路19号。四川北路菜场，位于四川北路1044号。安庆路菜场，位于安庆路410号。北福建路菜场，位于北福建路190号。虬江路菜场（私立），位于吴淞路底91号。西宝兴路菜场（私立），位于永兴路310号。
中区：福州路菜场，位于福州路569号。凤阳路菜场，位于凤阳路364号。大沽路菜场，位于大沽路50号。北京路菜场，位于北京路564号。
除脱高头讲到个小菜场之外，旧时上海还有勿少为适应居民购物习惯、由小贩集中勒某只街道马路边浪摆摊头，辰光长了之后，此地就变成功一只露天菜市场，大多数是挨了正规小菜场附近，因为价钿便宜，吸引了交关市民，但是造成脏乱差，成为破坏城市环境整洁之源头，搭搿歇让城管头痛个“菜场尾巴”像得勿得了。（完）
往期回顾：