天伦
礼拜五，外孙囡神秘兮兮嗰跟我讲：“外公，侬明朝要过生日了，我拨侬咬一口小蛋糕（学校下午发嗰小点心）”，我讲：“外公平常吤宝贝侬，侬哪能吤小气啊？”，伊悄悄嗰告诉我：“外公，我明朝还要专门拨侬生日礼物嗰噢。”外婆讲“是啥个礼物啊？”伊一本老正经嗰讲：“有我为阿公画嗰画，还有嗰今朝勿讲拨㑚听，明朝㑚就晓得了！”。
昨日中浪向，外孙囡来了，伊先拿自家画嗰新年贺卡送拨我，还慎重其事嗰从贺卡袋里摸出十元钞票来，偕气诚心嗰交拨我，讲：“外公，搿个是我拨侬嗰生日礼金！”，我讲：“乖囡，侬拨外公嗰贺卡，外公偕气欢喜嗰，我收下了，侬嗰钞票外公勿收，侬还是自家囥好噢。”外婆随口问伊：“安安，侬一共有多少钞票呀？”，伊回答：“我一共有十九元五角。”我心里咯噔一记想：呒没想到阿拉外孙囡还真蛮舍得嗰噢，自家一半以上嗰财富侪肯送拨我了。我嘻嘻哈哈嗰跟伊讲：“乖囡，十元洋鈿侬还是自家好好叫囥好噢。”小囡有搿份心，让我唏嘘勿已，难得伊有搿份诚心……
往期回顾：
图：网络 / 编辑：渺渺
赞 (0)