(学会壮文真是好)         Liu Yigez/廖玉洁

​廖玉洁, 退休老师，爱好山歌。壮文第一期学员，由于期间出差，没能结业，第二期重新参加学习，功夫不负有心人，现在，她的壮文已经运用自如，并创作了大量的山歌。《学会壮文真是好》是其中的一首，大家要是敢兴趣，明晚开班时，读给大家，共同欣赏。

Hag Rox Sawcuengh Caen Dwg Ndei

(学会壮文真是好)

Liu Yigez/廖玉洁

Gou haq daengz Bingzgoj,

Cij rox naeuz miz fwen.

Vunz eu saengz eu swenz,

Fwen ngoenz laep ngoenz haemh.

Eu fwen caen dwg ndei,

Gou caemh ngeix naeuz eu.

Gvan gou rox fwenleux,

Gou cix heuh de son.

Bak son uk daeuj geiq,

Hag geij gawq cix lumz.

Geij ngoenz fan dauq gyumq(ra),

Lumz bae leux bae nauq.

Fwen dag vahcuengh eu,

Fwen leux sawcuengh geiq,

Rox sawcuengh caen ndei,

Ngeix daengz couh sij ndaej.

Sien dingq miz sawcuengh,

Gou muengh aeu bae hag

Raeuz miz da miz bak.

mbouj lau hag mbouj rox.

Sawcuengh saw bonjfaenh,

Caen dwg ndei dahraix.

Vunz hag rox ndaej vaiq,

Dou cungj maij daeuj hag.

Hai ban beizyinbanh,

Gou ganq bae bauqmingz.

Hwnjdangz nyinhcaen dingq,

Cingq dwg rox dahraix.

Aeu sawcuengh geiq fwen,

sim swenz geiq cix ndaej.

Docih boux lauxsae,

Son hawj gou rox yungh.