巴结

沪语朗读：渺渺

朗读者

巴结

作者：郑自华

文字改写：丁迪蒙

朗读：渺渺

上海言话“巴结”，一般有两种解释。

一个是努力、勤奋个意思，譬如，可以讲一个人“工作浪向老巴结个”，搿搭个巴结就是勤勤恳恳、踏踏实实、埋头苦干；“迭个小囡老巴结个”，搿搭个巴结是指生活浪个艰苦朴素，会得勤俭持家，“伊老把家个”，搿种“巴结”往往又拨称为会得“做人家”。无论从工作还是生活上理解，这里的“巴结”是积极层面上的意思。

另外一个意思，就是“趋炎附势，极力奉承”，也就是大家平常所讲个，要学会对领导“轧苗头”，要察言观色，揣摩领导个心事，寻机会多去搭领导接触，为领导多做事体，领导个事体勿管大小侪是服务个内容，勒关键个辰光要敢于为领导挺身而出。长年以来，社会浪流行个“千错万错，马屁不错”，是搭“巴结”做了邪气好个解释了。勒现实生活当中，善于巴结领导个人，往往就可以获得提拔，往往可以拨重用，往往可以拨选派到国外去深造。在一眼职场个教程里向，也是勿断说教，哪能介拨领导留下好个印象，“巴结”是必勿可少个。事实浪，一个企业个领导，要想拿企业个工作做好，一定要形成勿要让员工“巴结”领导，而是要拿员工个注意力引导到勒工作浪向要“巴结”点，搿个再是正道。

“巴结”是个蛮奇妙个词语，当“巴结”是AB个辰光，就是阿拉上头讲个意思，当“巴结”成了AABB，也就是“巴巴结结”个辰光，伊就到了一个高度。

假使一个人能够勒工作搭仔生活搿两个方面侪能够做到“巴巴结结”，勒领导个眼睛里，肯定是个好员工，勒屋里是个“好小囡”，或者是个好男人、好女人、好丈夫、好妻子。

而当“巴结”是ABAB，即“巴结巴结”个辰光，“侬去巴结巴结领导呀”，葛就大告而勿妙了，社会浪流传：“男人献金，女人献身”，拿自家个身价性命、前途命运全部押勒关系浪，押勒领导身浪。要晓得，搿是邪气危险。因为，勒交关辰光，领导也是靠勿牢个，搿能介个事体，阿拉勿是见得忒多忒多了嘛！

精彩回放：
“万宝全书”烟纸店
甜酸苦辣说年货
有一种思念，勿联系，勿打扰
择校勿亚于择偶（三）
择校勿亚于择偶（二）
择校勿亚于择偶（一）
雪花的快乐
济南的冬天
夕阳无限好，句号
晨起慈心祝福

图片来自网络