盛夏：内心清凉，方得自在
沪语朗读：徐建青
作者：香袭书卷
沪语记录：边秦翌
诵读：徐建青
盛夏是万种风情招摇个时节，迭个辰光也是心气最容易浮躁个辰光。当空个艳阳，照射勒地面浪，连空气也侪是热个。
感知生命无常，是勒经历许多以后。跌跌撞撞，一路走来，所碰着个侪是勒无尽个变化中。人生呒没晴雨表，它勒高深莫测中，令人着迷。越活越有滋味，也是勒经历许多以后。
活勒人世间个每个人，侪逃勿开命运个恩赐搭磨砺。时而浓烈，时而寡淡，时而如日中天，时而落入深渊。生命也就是一场起落，起起落落，落到最底层，最后从泥土里又开出花。
事实浪，每一件事物个自性无非是变化本身，迭是万物共有个自性。用一颗禅静之心，面对世事无常。外面个世界尽管纷扰，保持内心个淡静，方能从容应对。
禅师搭沙弥勒庭院里经行，突然刮起一阵风，从树浪落下来交关树叶。禅师弯腰将树叶一片片拾起来放入口袋。旁边个沙弥就讲：禅师，勿要拾了，反正明朝一早我伲就会打扫。禅师讲：闲话勿能搿能讲。打扫，难道就一定清爽吗？我多拾起一片，地浪勿就多一分清爽吗！
沙弥又讲：禅师，落叶介许多，侬勒前头拾，伊后头又落下来，侬哪能拾得完呢？禅师却讲：呵呵呵，落叶勿光是落勒地面浪，落叶还落勒我伲心地浪。我拾我心浪个落叶，终有拾完个辰光啊。
沙弥听后，恍然大悟。原来，禅师拾落叶，拾个是心里个妄想与烦恼。外面大千世界有多少落叶勿去管伊，心里个落叶总归是拾一片少一片。
我是勒盛夏清晨读到搿只故事个，窗外个阳光正落勒树叶浪。伊拉生机勃勃长勒树木浪，迎着微风，轻轻摆动。
世事无常，树叶有勒枝头个光景，也会有落勒地浪个颓然。痛苦，多来自于心浪厚积个尘埃。能够像禅师一样，时时清理，内心个缝隙里就会有光渗透。
清居盛夏，细数心浪落叶，已是众多斑斓。凡心所想，必是需求甚多。一件件纳入囊中，塞满勒心间，匆忙赶赴着脚下个路程，从此地到阿里啊。
“夏天是生命个重生。”我开始有意识个去寻夏天个奥秘，能够重生个，应该是内心个重新接纳搭发现。迭勿仅仅是沙滩浪个斑斓，也勿仅仅是夜幕浪个星辰，伊些属于夏天个，有热烈外在个、搿能个时日，更适合搭自己个内心做一趟深刻个探讨。
静坐，自观。内心个清明，是来自于自己个清扫，与外物无关。《小窗幽记》讲：“草色花香，游人赏其真趣。桃开梅谢，达士悟其无常。”有心者参悟其内，无心者感觉其外。我伲对事物个看法，在于心性所然，再有了勿同个感知。
盛夏，风情四射。无常，也是芳华。内心清凉，方得自在。
往期回顾：
图：网络 / 编辑：渺渺