“册那”小议
沪语朗读：王震
作者：陈永生
沪语改写：丁迪蒙
上海闲话当中个“册那”，肯定是个龌龊词语，尤其是后头还带“娘”个伊钟五个字个动宾短语，则更加是骂人个闲话。
但是，有眼人却是常庄使用迭个“册那”，更加结棍个竟然到了呒沒迭个词就勿能开口个程度，一旦讲闲话，先出来“册那”，接下去勿断，直到闭牢嘴巴。
侬假使讲伊是勒骂人伐，真个是有眼冤枉伊了，因为伊讲闲话个对象侪是亲朋好友，就连得搭自家个父母、屋里人讲闲话个辰光也是搿能个，可见，“册那”已经是成为了伊个口头语了。所以，辰光长了，上海人对满嘴巴“册那、册那”个人也就见怪勿怪、呒没人在乎了。
从语言学个角度来看，既然迭个“册那”勿是骂人个，葛就说明伊已经虚化了，也就是讲勿再是个有词汇意义个实词了，而是一个已经退化成为只存有语法意义个虚词了。
虚词，也要分好几类，葛末，“册那”算是阿里一个种类呢？
我觉着勒搿种语言环境里向，伊应该相当于一个语气词。讲句笑话，有点象古代汉语当中个句首发语词，譬如“夫”、“盖”咾啥，因为搿些词出现勒勒句首是呒没实在意义个，只不过是起发语个作用，表示接下来有闲话要讲、有议论要发表。而伊眼“册那”勿离口个人，勿是同样也是先来个“册那”，接下去再有下文个嘛？勒搿种情况下头，“册那”个发语作用就邪气明显了。
当然咾，“册那”也勿完全等同于句首发语词，因为发语词仅仅是“启下”而勿是“承上”个。“册那”就勿是搿能，伊既承前、又启后，好比是扑克牌当中个A，两头通。搿也就是讲，“册那”勒某些人个嘴巴里，只是表示停顿、表示衔接而已，伊会得周而复始个出现，勿断个“继往开来”。
仔细想想，觉着“册那”有点类似于现在个年轻人，勒讲普通话个辰光经常要用个伊个“然后”。沒讲几句就是一个“然后”，讲了几句又是一个“然后”，接连勿断，层出勿穷。其实，“然后”下头个闲话並勿一定是顺叙，插叙、倒叙侪是有可能个。
同样，搿种现象勒英语当中也有个，一些女青年讲闲话个辰时会得经常勿停个使用like，其实，搿种语境当中个like已经呒没“象”个词义，只是一种口气，表示承接。
“册那”除脱仔表示发语搭仔承接以外，有辰光还可以单独使用，表示感叹或者惊叹，勒搿种情况下头，伊就成为了一个叹词。
讲闲话带“册那”个上海人里向，从性别看，比较多个是男性，女性邪气少，一旦女人用了搿种词语，就显得有眼“口粗”或者是“男人腔”；从年龄上头看，一般是“爷叔”或者年纪更加大眼个，青少年相对要少。
搿搭要提一提个是，改革开放以后，交关外籍人进到上海来，辰光长了，其中有勿少人上海闲话讲得邪气好，有个甚至一时头里老难听得出伊是“新上海人”还是“老上海人”。不过，鉴别个办法好像还是有个，葛就是“新上海人”讲闲话一般是勿带“册那”个，反过来，闲话里带迭个词个，十有八九是“老上海人”。
搿搭需要说明一下个是，从形式逻辑个角度来看，“讲闲话带‘册那’个”搭仔“老上海人”是从属关系，所以，闲话千万勿可倒过来讲，搿就好比“猪猡是四只脚个”，但是侬勿好讲“四只脚个侪是猪猡”，因为还有牛、马，还有台子、椅子咾啥。
斗转星移，移风易俗，现在个上海年轻人讲闲话带搿种“标点符号”个逐渐少了，搿表明，“册那”也将随牢社会个进步而日薄西山、气息奄奄。
最后，小结一下，勒上海，一旦碰着嘴巴里向带“册那”个，侬千万勿要以为伊勒骂人，外地来个朋友勿要因此而引起误会了。
【作者原文】
“册那”小议
上海方言中的“册那”，无疑是个脏词，尤其是后面还带“娘”的那五个字的动宾短语，则更是骂人的。
然而，有些人却经常使用这个“册那”，更有甚者竟到了沒有此词不开口的程度，一旦说话，“册那”当先，而后不断，直至闭嘴。
你说他是在骂人吧，这可真的是有些冤枉他了，因为他说话的对象皆为亲朋好友，就连与父母家人讲话时也是如此，可见，“册那”已成了他的口头禅。所以，日常时久，上海对满嘴“册那”的人也就见怪不怪、无人在乎了。
从语言学角度来看，既然这个“册那”不是骂人的，那就说明它已经虚化，即不再是个有词汇意义的实词了，而是一个已退化为仅存语法意义的虚词。
虚词也分好几类，那么“册那”算哪一种类呢？我觉得在这种语言环境里，它应相当于一个语气词。说句笑话，有点象古汉语中的句首发语词，如“夫”、“盖”等，因为这些词出现在句首是无实在意义的，仅起发语作用，表示接下来有话要说、有议论要发表。而那些“册那”不离口的人，不同样也是先来个“册那”，而后才有下文的吗？在这种情况下，“册那”的发语作用就显而易见了。
当然，“册那”也不完全等同于句首发语词，因为发语词仅“启下”而非“承上”。“册那”则不然，它既承前、又启后，犹如扑克牌中的A ，两头通。这也就是说，“册那”在某些人的嘴里，只是表停顿、表衔接而已，它周而复始地出现，不断地“继往开来”。
仔细想想，觉得“册那”有点类似于现今年轻人讲普通话时所常用的那个“然后”。不是吗？沒讲几句，就是一个“然后”，讲了几句，又是一个“然后”，接连不断，层出无穷。其实，“然后”下面的话並不一定是顺叙，反之，插叙、倒叙也皆有可能。
同样，这种现象在英语中也有，一些女青年讲话时会经常不停地使用like，其实，这种语境中的like已无“象”的词义，而仅是一种口气，表承接。
说话带“册那”的上海人中，从性别上看，多为男人，女人很少，一旦女人用此语，就显得有些“口粗”或“男人腔”；从年龄上看，一般是“爷叔”及年纪更大的，青少年相对少些。
这里要提一下的是，改革开放后，很多外籍人进入上海，时间久了，其中有不少人上海话讲得很好，有的甚至使你一时很难听得出是“新上海人”还是“老上海人”。不过，鉴别的办法似乎还是有的，那就是“新上海人”说话一般是不带“册那”的，反之，话里带这个词的，十有八九是“老上海人”。
这里需要说明一下是，从形式逻辑的角度看，“说话带‘册那’的”与“老上海人”是从属关系，所以，话千万不可倒过来说，这就如同“猪是四条腿的”，但你不能说“四条腿的是猪”，因为还有牛、马，还有桌子、椅子等。
斗转星移，移风易俗，现今的上海年轻人说话带这种“标点符号”(上海人对“册那”的戏称)的渐渐少了，这表明，“册那”也将随着社会的进步而日薄西山、气息奄奄。
图片来自网络
往期回顾：
“上海言话讲起来”旨在传播沪语，若有不当之处，敬请留言指正。
感谢您的支持转发，欢迎关注本公众号