家乡个老房子
沪语朗读：余晖
作者：王成海
沪语改写：丁迪蒙
岁月
风干了我个记忆
唯有家乡个老房子
勒我个心海里仍旧是搿能个清晰
勒绿颜色个掩映中
是曾经放飞我梦想个屋梁
青砖蓝瓦、剥落个墙皮
好像勒诉说伊拉历经个风风雨雨
围墙裹勒海个侪是母爱搭仔兄弟个情义
木质个门窗、剥落了个油漆
好像勒苍老个容颜里向写满了委屈
房间里向挂了勿少闲置个农具
伊拉虽然已经拨现代化所淘汰
但好像并呒没啥个沮丧
各自勒诉说伊拉曾经个得意
客堂个正中摆了张八仙桌
两边是太师椅
祖父曾经坐勒伊面
满面孔个威仪
每到燕子飞来
勒梁上衔泥
祖母就要搭我轻声细语
讲燕子到啥人屋里
伊拉屋里向就会得吉利
屋里向养个大黑狗、丽花鸡
现在，已经没了踪迹
张家个小捣蛋
李家个小阿弟
曾经勒一道爬树
曾经勒一道捉鱼
现在呢，也已经各自东西
每一次回家乡
侪是一次伤心个别离
望望我沧桑个老房子
转过身就眼泪水嗒嗒渧
吴侬细语吟诗词歌赋
往期回顾：
“上海言话讲起来”旨在传播沪语，若有不当之处，恳请留言指正。
感谢您的支持转发，欢迎关注本公众号
赞 (0)