这五个形容眼部动作的字，充分体现了粤语用字的细緻

粤语用字之细緻在于每个动作都可以用唔同嘅字生动咁体现出嚟，就譬如以下呢五个用眼去望（睇）嘅动作：

“睥”，系指眼睛斜视并带点傲慢地望向旁边。（如下图）

周星驰电影里头有一句经典嘅对白，A：“你睥咩呀睥”。星爷：“你唔睥我又点知我睥你呀”。

查实喺古时候，对向左或向右斜视咁望，都有唔同嘅用字嘅：向左斜视叫“睥”，向右斜视叫“睨”（粤语音：魏，拼音输入法：ni）。不过到左现代，嗰“睨”字基本已经唔见有人讲囖，无论向左或向右斜视都用“睥”字代替左。

睺，喺《康熙字典》中解作“半盲也”，喺广府话里头“睺”则有“看紧点”的意思，例如“睺实佢，千祈唔好畀距走甩。”。

朡，喺西汉时期嘅《扬子.方言》中解作：“朡，伺视也。”就系偷看的意思。喺读书考试嘅时候，老师通常都会叮嘱学生“考试千祈唔好偷朡隔篱呀，捉到就会取消成绩。”

𠶲，喺北宋时期嘅《类篇》中，解作“齧也”。即“咬”同“吞”嘅意思，后嚟引申为睇嘢嘅一种状态（动作）。好多人会误写为“𥄫”。顺带一提，广府俗语“开口𠶲着脷”，就系呢个“𠶲”。

𥇣，系指带点怒气或不友善咁望住人。