浮生十记 - 城里人真无趣
今朝冬至，朋友圈里各种饺子，我就又开始在饭桌上大放厥词。
我讲上海这地方，华洋杂处东方西方侪学了半吊子，各种节气就过了洋勿洋腔勿腔。小朋友问各么阿拉过节侪吃点啥？我讲么啥特别要吃，反正我从小除特五一国庆儿童节要白衬衫蓝裤子，挺下来八月半冬至大年夜最特别就一桩事体：叠锡箔。
客堂间里一房间女人，一边叠锡箔，一边张三厄新妇又跟阿婆寻相骂了李四厄儿子又领了新女朋友回来了。一条弄堂里每家人家讲一遍，锡箔也叠好几袋袋了。讲起来也蛮怪，这桩事体几百年下来一直纯手工home made, 21世纪了也没看到有人发明只机器工业化生产。
小朋友问各么男人了做啥？我讲，勿是了外头躲债就是了外头讨债。
小朋友听了一脸懵，我接着道，还有外地人结只婚，讨娘子要彩礼嫁暖鱼（女儿）要嫁妆，阿拉这种洋勿洋腔勿腔厄地方也没听讲过。上班第一年有趟腊月里寻山东一个供应商谈生意，人家讲今朝已经打烊明日请早，我问刚刚四点一刻嘎早下班啊，人家回答今儿小年，你们不过节啊？我讲啥，侬讲啥，小年夜还早啊。山东人就觉得这天没法好好聊了。
我讲得兴起，海螺姑娘看看我，幽幽道：所以，城里人真无趣。
好吧，不过我嫁暖鱼有一样嫁妆一定要准备—-汰衣裳搓板，棱角老多那种。
赞 (0)