一茶一席，风雅自在

沪语朗读：杨勈

一茶一席，风雅自在

来源：禅茶一味

改编：丁迪蒙

朗读：杨勈

生活，可以琴棋书画诗酒茶，也可以是柴米油盐酱醋茶。一个恬静淡雅，一个闲话家常。但能够雅俗共赏个，仍旧是茶。

僧人吃茶，品个是禅意；匹夫吃茶，饮个是味道。一者是养心，一者还养身；无论益心，或是适口；只要欢喜，就是好茶。

中国自古就拨称作礼仪之邦，以茶待客，以茶会友，勒古代就已经是蔚然成风，“吃茶去”，也就成为了人个生活当中，勿可缺少个大事体。

普洱茶兴于东汉、商于唐朝、流行于宋、定型于明、繁荣于清。三百多年前头，，普洱府奉诏贡茶，使得普洱茶能够“享誉京华”。茶邪气香，口感又好，吃茶个人便可以勒升腾个热茶当中，获得一种酒宴之外个满足搭仔享受。

欢喜传统文化个人，侪勿会拒绝茶香带来个诱惑。普洱有得丰富个香气：清香、毫香、花果香、蜜香、枣香、焦糖香。一壶香茶，一个茶席，三杯两盏之间就让我伲觉着心旷神怡。

一杯茶要分三口去吃，第一口试试茶温，第二口呢，闻闻茶香，第三口再是细细叫个吃下去。一口小小个茶入口，茶汤勒勒嘴巴里向回旋，马上就觉着是口鼻生香，一切侪勒不言之中。

以茶可以行道，以茶可以雅志。其实，泡茶是一桩邪气简单个事体。两只动作：摆茶叶、倒开水，但是，禅茶就勒一味之间。也是人生个滋味，淡久生香，只是希望侬我能够勒搿个邪气喧嚣个尘世间就像茶杯里向个茶一样，浓个辰光时勿骄，淡个辰光有味。

图片来自网络