鲜明个特色 深刻个启示（上）
朗读：边秦翌
——评娜华佳作《寻找的音符》
作者：徐一化
沪语改写：周红缨
2020年，勒勒《精句》出版以后，女诗人、作家娜华又有一部佳作《寻找的音符》正式问世。精品散文选搭精品诗歌选，交相辉映，相得益彰。伊拉陆续搭读者见面，迭个标志了娜华女士，已经达到了炉火纯青个文学水准。
诗歌，拨公认为文学之母，因为勒众多个文学体裁当中，伊诞生个辰光最早。同时，诗歌个包容性邪气强，兼具了叙事、抒情、议论等多种写作手法。而其他所有文学体裁个特点，侪可以勒诗歌当中寻到影子。可见，诗歌是历史悠久个文学体裁，是以意象为诗情表达个基本结构单位，借助丰富个想象搭新奇个比喻，以具有强烈节奏感搭音乐性个语言，高度概括个表现诗歌作者对宇宙、人生个深刻理解搭仔对生活个由衷咏叹个文学体裁。
从公元前11世纪诞生个《诗经》到现代诗歌，有文字记载个中国诗歌史已经走过3000个年头。勒中国诗歌史浪，勿但涌现出屈原、宋玉、曹植、谢灵运、陶渊明、李白、杜甫、王维、白居易、李商隐、杜牧、柳永、苏轼、辛弃疾、李清照等古典大诗人，而且还诞生了闻一多、郭沫若、徐志摩、艾青、北岛、顾城、海子、西川等现代大诗人。透过伊拉个诗句，除脱可以领略伊拉个语言魅力搭审美情怀之外，阿拉还看到了伊拉以凝练个笔墨勾勒出个社会整体风貌，从而可以增强阿拉对历史个反思搭再认识。一部诗歌史，可以看作是中华民族文化个发展史。盛世时代，诗人是发掘真善美个歌唱家；乱世时代，诗人以笔为刀，变身为“民族个脊梁”，弘扬正气，矫正人性个弱点，维护民族文化个尊严。伊拉个诗，是最好个精神食粮。娜华新出版个迭本精选诗歌选，也是大家“最好个精神食粮”。
葛末，伊拉有阿里一些鲜明个特色呢？伊个创作过程，又拨阿拉阿里一眼深刻个启示呢？
首先，丰富个感情抒发，成就了娜华诗歌。
大家侪晓得，诗词是一种抒情艺术，是抒情言志达意个一种文学样式。娜华个抒情诗，主要是通过直接抒发诗人个思想感情来反映社会生活。伊勿一定描述完整个故事情节，勿一定描写特定个人物形象，而是以思想个感情作为基石而展开。比方《月亮》、《猎场》、《路》、《春之花》、《日月》、《赞植物》、《泥土》、《甘泉》、《赞植物》等，看起来是写自然界，但透过自然界来抒发感情，是诗人写作个目的。勒娜华个诗里向，有辰光叙事搭抒情，也勿是绝然分割个。叙事诗也有一定个抒情性，不过伊个抒情要求要与叙事紧密结合。抒情诗也常庄有对某些生活片断个叙述，但勿过分铺展，常庄服从抒情个需要。比方《情侣》、《苦难》、《境界》、《吻》、《美》、《恋》、《好汉》、《英雄》、《君子》等，迭些诗个本质是抒情。情志、情感、情思等诗人心中之情，是娜华诗歌立意个落脚点。从某种意义浪来讲，意境产生、形成、确立个过程，就是一首诗词立意个全过程。古人讲，“意在笔先”。所谓“意在笔先”，实际浪向是意境初步形成勒勒下笔之前。其实，勿仅是意在笔先，而且是意在笔中、意在笔后。立意贯穿于诗词创作个全过程。古人强调炼意，炼意贯穿于诗词创作个全过程。一首首诗个产生过程，实质浪向就是娜华个气、才、性、情、志等主观因素对象化实现个过程。诗人个精神主体逐渐个或者瞬间个转移到实践个主体，所有个主观因素经过诗人个审美处理而勒成形个作品当中，呈现一种新个凝聚状态。搿种新个凝聚状态，可以概括为意。透过娜华个许多抒情诗，阿拉可以看到，意搭境是同一个东西个两个侧面、同一个问题个两个方面。意境者，意之境也。就像哲学浪向认为任何具体事物侪有伊存在个形式一样，意境即境界、境是意个“存在形式”。借用黑格尔《美学》当中个用语，境是意个“感性显现”。通俗一眼讲，境是意个“化身”。境是意所化，意为境所凝。意中生境，境中寓意；境在意中，意融境中。就像文学作品当中个主题离勿开作品个题材一样，离开境也就无所为意，“意”也就“立”勿起来：离开意也就勿成其为境，“意”同样“立”勿起来。意搭境密不可分。娜华创作寻觅、产生、形成、完成意境个全过程，实质浪向就是一首诗词立意个全过程。正是从迭个意义浪向来讲，诗词立意个本质就是确立意境。
娜华个抒情诗，写作风格是粗中有细。粗略个地方一笔带过，细腻个地方用浓笔重彩极尽渲染搭夸张，搿种风格直接决定了抒情诗个创作质量。比方《苏醒》个“粗”：“植物在不同的季节，各吐芬芳，舒展枝叶，欢欣雀舞。”比方《春天》个“细”：“春天不小心吵醒了你，你羞涩地绿着。”“春天激动地下起了雨，浓浓的，密密的，滋润着，你为爱而裸露丰满的草地。”诗人喜悦心情，溢于言表。勒娜华个抒情诗里，生活是拨揉碎个阳光，琐碎而又泛着斑斓个色彩。个性化个描述当中，展现个是生活绵软个质地搭坚硬个内核，伊个象征性已经探出了诗歌原本涵盖个现实区域，指向更为丰富个空间。
娜华抒情诗个表现手法多样，并且勿断个创新。比喻、夸张、重叠、跳跃等等，难以尽述。但是各种方法侪离勿开想象。比方《尾气》：“尾气，似荒野野兽的吼声。”“辱骂、咒语、不文明，是人的排泄物，是人心尾气。”再比方《水之美》：“在神灵的手中，我爱水之柔美。它沐浴了我的心，也沐浴我的灵，沐浴我的全身，它恩赐我之健。”可见，丰富个想象既是诗歌个一大特点，也是诗歌最重要个一种表现手法。勒诗歌当中，还有一种重要个表现手法是象征。象征，简单个讲就是“以象征义”。勒娜华创作个诗歌当中，象征则又表现为心灵个直接意象。比方《吻（七夕）》：“心中揉道，如此完美。与道接吻，蜜流心间，被道所吻，身不由己。神游天空，不醉也醉。”再比方《德艺双馨贵族之品》：“人生唯静如天，才会拥有一片云。”读诗人迭些象征性个诗作，真是一种美个享受。
娜华个抒情诗，带拨阿拉个启发是：只有深刻认识、牢牢掌握诗词立意个本质，阿拉勒诗词创作实践当中，再勿会错误个拿诗人心中个情志、情感、情思、情意等，直接当作诗中之意直白个“抒发”出来；也只有深刻认识、牢牢掌握诗词立意个本质，阿拉再勿会置诗人个情志、情感、情思、情意等心中之情于不顾，而纯客观个毫无意义个描写景物。只有深刻认识、牢牢掌握诗词立意个本质就是融情志于意境之中，阿拉再能创作出立意高远、意境新美、诗味隽永个上乘之作。
往期回顾：
图：网络 / 编辑：渺渺